Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

Actualitads

​JEAN-FRédéric Schnyder. Apocalypso
a partir dals 13-01-2022

En il rom da l'exposiziun «Dance Me to the End of Love» ch'il Museum d'art dal Grischun ha deditgà il 2020 al saut dals morts è quai stà ina gronda attracziun speziala: La gronda taila cun maletgs Apocalypso da Jean-Frédéric Schnyder.
Sur ina lunghezza da 12 meters è tendida ina scenaria. En il center da quella dominescha ina scena da circus l'acziun. A dretga ed a sanestra da la tenda, davant la quala las figuras sa mettan en scena en moda acrobatica, sa reveleschan dus munds da maletgs che na pudessan betg esser pli cuntradictorics e che sa preschentan sco di e notg: d'ina vart motivs plain desideri e da l'autra vart visiuns apocalipticas. Ils motivs dals maletgs ch'èn mess libramain en retscha derivan da munds visuals fitg differents. Jean-Frédéric Schnyder reussescha da cumbinar quels en in grond fluss narrativ. El ans maina permanentamain dal grond al pitschen e dal pitschen al grond, dal datiers al lontan e puspè enavos. Nus siglin d'in en l'auter fin ch'igl ans smanatscha da daventar stgir davant ils egls.
Oz sa chatta questa ovra monumentala sco deposit da Jean-Frédéric Schnyder e Margret Rufener en il Museum d'art dal Grischun e vegn ussa mussada per l'emprima giada en il rom da la collecziun ensemen cun ina gruppa da skizzas tar quest maletg, ch'il museum ha acquistà da nov.

Museum d'art dal Grischun Bahnhofstrasse 35 CH-7000Cuira T +41 81 257 28 70 . info@bkm.gr.ch
Ma-Du 10.00 – 17.00 Gi 10.00 – 20.00