Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

Prevista

LandLiebe
art ed agricultura
18.09.2021-02.01.2022

Il Museum d'art dal Grischun tracta cun l'exposiziun "LandLiebe. Art ed agricultura" in tema ch'è da gronda impurtanza per la Svizra sco er per il Grischun e ch'è en l'art figurativ da vegl ennà in motiv central. L'art favurisava ditg ina imaginaziun idealisanta da la puraglia cun preschentar fin il 20avel tschientaner la vita purila savens en il ciclus da la natira. Nursas pasculantas en il sulegl u praders ascendents èn ils motivs che nus enconuschain d'artists sco Giovanni Giacometti, Andrea Garbald u Ernst Ludwig Kirchner. L'idilla da la puraglia d'antruras vegn en l'art contemporan dentant remplazzada tras l'interrogaziun da temas sco erosiun dal terren u surcultivaziun. Damai che la consideraziun dal terren sco origin da l'economia agrara permetta conclusiuns sin temas vasts sco giustia climatica u suveranitad alimentara, focussescha l'exposiziun sin la relaziun ambivalenta tranter uman ed er. Schebain che las ovras davart la puraglia sa tira tras tut ils stils e tras tut las epocas en l'art figurativ, na presta l'exposiziun nagina analisa istorica, mabain tracta en moda calma ed associativa ina tematica chargiada emoziunalmain. Tranter mitus ed istorgia, tranter desideri e realitad stgaffescha l'exposiziun puncts da vista novs e nunspetgads sin in champ presumtivamain famigliar.

L'exposiziun mussa ovras da: Korbinian Aigner, Cuno Amiet, Mirko Baselgia, Denise Bertschi, Emil Brunner, Edward Burtynsky, Carlos Fernández, Andrea Garbald, Dorota Gawęda und Eglė Kulbokaitė, Oliver Gemperle, Giovanni Giacometti, Asta Gröting, Ilkka Halso, Johann Jakob Hauswirth, Lois Hechenblaikner, Olaf Holzapfel, Sofia Hultén, Ernst Ludwig Kirchner, Marcus Maeder, Val Minnig, Roland Roos, Louis Saugy, Paul Senn, Lerato Shadi, Beatrix Sitter-Liver und Anna Tiessen.

Museum d'art dal Grischun Bahnhofstrasse 35 CH-7000Cuira T +41 81 257 28 70 . info@bkm.gr.ch
Ma-Du 10.00 – 17.00 Gi 10.00 – 20.00