L'onn 2025 festivescha l'Uniun grischuna d'art ses giubileum da 125 onns. Ella è vegnida fundada per organisar exposiziuns, per cumponer ina collecziun e per iniziar in museum, per uschia promover la chapientscha per l'art en la populaziun. Da bel principi era l'Uniun grischuna d'art colliada stretgamain cun las artistas ed ils artists en il Grischun. Ed uschia è er anc oz l'exposiziun annuala da las artistas e dals artists grischuns in termin fix en il program d'exposiziun.
Per l'onn da giubileum ha il Museum d'art dal Grischun decidì d'organisar per la segunda giada suenter l'onn 2016 in'exposiziun annuala tematica. Las artistas ed ils artists vegnan envidads da sa participar a l'exposiziun annuala cun ina contribuziun davart il tema «à table!». Il tema è formulà en moda fitg averta e porscha pussaivladads da s'occupar dal mangiar, da la cultura da maisa, da l'ospitalitad sco er da dumondas culturalas e socialas en connex cun il nutriment e da sviluppar contribuziuns artisticas respectivas. Envidadas èn artistas ed artists dal Grischun u talas e tals che han ina stretga relaziun cun il chantun. Las inoltraziuns vegnan valitadas d'ina giuria.
Cun: Remo Albert Alig, Guido Baselgia, Mirko Baselgia, Notta Caflisch, Sandra Capaul, Livio Casanova, Urs Cavelti, Lisa Collomb, Gianin Conrad, Stefan Daniel, Silvie Noemi Demont, Davina Andrea Deplazes, Christoph Draeger, Sven Egert, Estelle Gassmann / Katharina Lütscher, Madlaina Fontana, Hansjörg Gadient, Svenja Gansner, Lukas Geisseler, Annatina Graf, Flurina Hack, Arno Hassler, Chris Hunter, Patricia Jegher, Pascal Lampert, Zilla Leutenegger, Benjamin Lind, Yolanda Ludwig & Romano Zaugg, Catrin Lüthi K, Simone Monstein, Casper Nicca & Silvan Nicca, Ursula Palla, Ramona Projer, Ruth Rieder, Yvonne Rogenmoser, Stefan Rüesch, Christoph Rütimann, Ines Marita Schärer, Daniel Schuoler, Gaudenz Signorell, Flurina Sokoll, Bertilla Spinas, Delia Sulser, Olga Titus, Kirill Tscheluchin, Kika Vilela, Not Vital, Ester Vonplon, Bettina Wachter, Katharina Anna Wieser, Dominik Paul Zehnder
