Per il giubileum ha l'uniun grischuna d'art edì ina mappa cun 10 graficas originalas ed ha dumandà per quai artistas ed artists ch'èn vegnids preschentads en exposiziuns individualas en il museum d'art dal Grischun. Quai èn: Evelina Cajacob, Andriu Deplazes, Corsin Fontana, Gaspare O. Melcher, Zilla Leutenegger, Camillo Paravicini, Florio Puenter, Gaudenz Signorell, Not Vital ed Ester Vonplon. Las graficas vegnan fatgas en stretga collavuraziun cun la stamparia litografica Wolfensberger. Las artistas ed ils artists ed il tipograf èn dumandads da sviluppar novas graficas exclusivamain per l'uniun grischuna d'art. L'uniun grischuna d'art vuless uschia dar l'occasiun a las artistas ed als artists da realisar lavurs per il public interessà.
Uschia survegn quel la schanza da s'acquistar ina pitschna e fina collecziun d'art contemporan dal Grischun. Las graficas vegnan preschentadas en il labor dal museum d'art dal Grischun en in'exposiziun che documentescha – ultra dals fegls finids – er il process da furmaziun. Las graficas pon vegnir acquistadas en l'exposiziun: singul u er sco entira mappa.