En l'exposiziun temporara u en la preschentaziun permanenta da la collecziun s'occupan las scolaras ed ils scolars sco emprim da las ovras originalas. La segunda part da l'occurrenza ha lieu en l'atelier, nua che las scolaras ed ils scolars approfundeschan lur experientschas en moda creativa. Il lavuratori vegn adattà al stgalim da scola respectiv.
PURSCHIDAS PER CLASSAS DA SCOLA TAR LAS EXPOSIZIUNS ACTUALS
Lise Gujer. Ina nova moda e maniera da malegiar 24-08 fin 17-11-2024 Questa exposiziun raquinta l’istorgia da la vita e da la lavur da Lise Gujer ord la perspectiva da l’artista da textilias. L’onn 1922 chatta ella in vegl taler e cumenza a rimnar experientschas da taisser. Pli tard sa sviluppa ina stretga collavuraziun cun l’artist Ernst Ludwig Kirchner. Lise Gujer creescha per el tapissarias tenor sias skizzas. Ella sviluppa dentant er vinavant atgnas ideas. Ultra da las differentas versiuns da las singulas ovras mussa l’exposiziun er lavurs preparatoricas singularas. Cun las classas da scola scuvrin nus la moda e maniera, co Lise Gujer unescha la tecnica d’artisanadi tradiziunala cun ina visiun artistica moderna. Ulteriurs infurmaziun
Fixar in termin ordavant Lingua: tudestg, rumantsch (sursilvan), talian Durada: 120 minutas Custs: Per las scolinas, per las scolas popularas, per las scolas medias e per las scolas professiunalas dal chantun Grischun gratuit. Per las scolas autas spezialisadas e per classas da scola extrachantunalas 200.00 francs (excl. TPV / incl. entrada).
Annunzia PDF Formular d'annunzia per classas
Indemnisaziun dal temp da viadi PDF Indemnisaziun da viadi per classas
Urden da chasa PDF Urden da chasa per classas
Infurmaziun ed annunzia kunstvermittlung@bkm.gr.ch T +41 81 257 28 72
