INTRODUCZIUN EN LAS EXPOSIZIUNS TEMPORARAS Il Museum d'art dal Grischun a Cuira porscha a las persunas d'instrucziun ina introducziun cumplessiva en l'exposiziun actuala ed en ovras elegidas. Per il stgalim secundar II, per la scola professiunala spezialisada, per la scola auta Introducziun en l'exposiziun temporara cun infurmaziuns curtas e simplas. Cun la curatura u il curatur da l'exposiziun. Lingua: tudestg Durada: 60 minutas Custs: gratuita Annunzia: necessaria Per la scolina, per il stgalim primar, per il stgalim secundar I Introducziun en l'exposiziun temporara cun impuls metodics e didactics. Lingua: tudestg Durada: 120 minutas Custs: gratuita Annunzia: necessaria CURS E FURMAZIUNS SUPPLEMENTARAS Furmaziun supplementara davart la collecziun dal museum. Lingua: tudestg Durada: 180 minutas Custs: gratuits Annunzia: necessaria Infurmaziun ed annunzia kunstvermittlung@bkm.gr.ch T +41 81 257 28 72
INTRODUCZIUNS EN LAS EXPOSIZIUNS TEMPORARAS
Co che la lingua inventa il mund
Mesemna, ils 3 da avrigl 2024 da las 16 fin las 17 per il stgalim secundar II, cun il referent ospitant Damian Jurt, curatur da l’exposiziun
Il discurs d’art ha lieu exclusivamain davant ils originals ed è concepì confurm al stgalim da scola respectiv. Partind dal mund d’experientscha individual da las participantas e dals participants vegn tschertgà in dialog. Elements interactivs durant la visita guidada porschan a las scolaras ed als scolars supplementarmain in access experimental e material a las ovras.
PURSCHIDAS PER CLASSAS DA SCOLA TAR LAS EXPOSIZIUNS ACTUALS
Augusto Giacometti. Contemplazione Lavurs sin palpiri 28-01 – 28-04-2024 Augusto Giacometti era in «maister da las colurs». Savens tscherniva el crida da pastel u colurs d’aquarel traglischantas per tschiffar l’intensitad irisanta da las alas da tgiralla u la transparenza da fanestras da vaider. Tar ses meds d’expressiun artistics ils pli impurtants tutgan ils dissegns e las lavurs sin palpiri. En ils lavuratoris ed en ils discurs d’art explorain nus, co ch’el ha laschà traglischar las colurs en sia pictura. Co che la lingua inventa il mund 24-02 – 28-07-2024 Pir cun la lingua han ils umans obtegnì la pussaivladad da discutar in cun l’auter davart chaussas e d’inventar istorgias. Tge impurtanza han dentant la lingua e la communicaziun en l’art figurativ u en noss mintgadi? L’exposiziun tracta questa dumonda e focussescha en quest connex sin la cuntrada linguistica e culturala multifara dal Grischun. Cun questa expressiun regiunala vegn in tema principal da la cultura da l’uman discutà e mess en connexs globals. En ils lavuratoris ed en ils discurs d’art analisain nus a maun d’ovras tschernidas la relaziun tranter l’art ed il raquint.
Fixar in termin ordavant Lingua: tudestg, rumantsch (sursilvan), italian Durada: 90 minutas Custs: Per las scolinas, per las scolas popularas, per las scolas medias e per las scolas professiunalas dal chantun Grischun gratuit. Per las scolas autas spezialisadas e per classas da scola extrachantunalas 150.00 francs (excl. TPV / incl. entrada).
Annunzia PDF Formular d'annunzia per classas
Indemnisaziun dal temp da viadi PDF Indemnisaziun da viadi per classas
Urden da chasa PDF Urden da chasa per classas
Infurmaziun ed annunzia kunstvermittlung@bkm.gr.ch T +41 81 257 28 72
En l'exposiziun temporara u en la preschentaziun permanenta da la collecziun s'occupan las scolaras ed ils scolars sco emprim da las ovras originalas. La segunda part da l'occurrenza ha lieu en l'atelier, nua che las scolaras ed ils scolars approfundeschan lur experientschas en moda creativa. Il lavuratori vegn adattà al stgalim da scola respectiv.
Fixar in termin ordavant Lingua: tudestg, rumantsch (sursilvan), talian Durada: 120 minutas Custs: Per las scolinas, per las scolas popularas, per las scolas medias e per las scolas professiunalas dal chantun Grischun gratuit. Per las scolas autas spezialisadas e per classas da scola extrachantunalas 200.00 francs (excl. TPV / incl. entrada).
Persunas d'instrucziun dastgan gugent manar sezzas lur classa da scola tras il museum. Per preparar la visita dal museum mettain nus a disposiziun gratuitamain materialias ch'èn confurmas al stgalim. Per las exposiziuns temporaras actualas purschain nus medemamain ina introducziun cumplessiva per persunas d'instrucziun. Las classas senza manadra u manader ston vegnir annunziadas a l'Intermediaziun d'art.
Custs: Per visitas guidadas ordaifer las uras d'avertura vegn incassada supplementarmain ina taxa pauschala da 50.– francs (excl. TPV) per ura.
Nus purschain da nov mintga semester la pussaivladad per la lavur da project en ina da las exposiziuns en il labor. Questa purschida speziala organisain nus ensemen cun l'artista u l'artist da l'exposiziun u cun in'experta ubain in expert da la scena d'art u da cultura. La purschida è gratuita. I vegn giavischà da s'annunziar. Project davart: Jan Kiefer
In maletg da bunamain 15 meters lunghezza, che mussa ina bartga da vin romana, dal piz fin la cua, dividida en pli che 20 unitads. Ils Romans che sesan lien, discutan davart economia, politica e cultura. Ina figura dad Obelix en vaider antic penda ultra da quai libramain en il local. Obelix sco figura simbolica da la resistenza. L’installaziun da l’artist basilais Jan Kiefer fa endament in maletg furmicler. Quai è noss punct da partenza: sut l’instrucziun da l’artist creain nus agens comics davart ils temas che ans interessan. La purschida sa drizza a classas dals stgalims secundars I e II. Gievgia, ils 11 d’avrigl 2024 da las 9.00 e 13.30 Durada: ca. 150 minutas
Indemnisaziun dal temp da viadi PDF Indemnisaziun dal temp da viadi per classas
Salzteig-Figuren formen mit Material aus der Küche PDF Salzteig
Landart-Kunst muss nicht im Museum sein! PDF Landart
Finde die Fehler! PDF Finde die Fehler!
Geschichten erfinden-Es war einmal... PDF Es war einmal...
Memory-Gleich und gleich gesellt sich gern! PDF Memory
Evelina Cajacob-Wie am Schnürchen PDF Fadenbilder
Ausmalvorlage-Berühmte Porträts aus dem Bündner Kunstmuseum in neuen Farben PDF Ausmalvorlagen
Kaleidoskop-Magisches Farbenspiel PDF Kaleidoskop
Schneelandschaften-Bunte Winterfarben PDF Schneelandschaften
Kunstgericht-Kunst auf der Anklagebank PDF Kunstgericht
Giacometti-in den Mund gelegt PDF In den Mund gelegt
L'Intermediaziun d'art dal Museum d'art dal Grischun metta a disposiziun differentas materialias per tut ils stgalims da scola. Cun agid da questas materialias emprendan las scolaras ed ils scolars d'enconuscher artistas ed artists enconuschents dal Grischun. Ellas dattan ina survista davart la vita e davart l'ovra d'ina artista u d'in artist ubain davart in tema specific. Las materialias èn adattadas per preparar e per evaluar ina visita dal museum sco er per visitar il museum en atgna reschia cun la classa da scola. Sin dumonda pon las materialias vegnir emprestadas tar l'Intermediaziun d'art. Ideenbox (PDF)
Luna. Eine Nacht im Museum. Ina notg en il museum. Una notte al museo. (PDF)
Kunstgericht – Kunst auf der Anklagebank (PDF)
E. L. Kirchner – Kirchners Katze (PDF)
Matias Spescha (PDF)
Sculpturas (PDF) ULTERIURAS MATERIALIAS Per visitar individualmain l'exposiziun vegni recumandà da consultar il plan d'exploraziun CUC u il plan da la citad per uffants. Ulteriuras infurmaziuns en chaussa ed ils documents per chargiar giu chattais Vus qua. ONLINESHOP Cudeschs illustrads e meds d'instrucziun davart la collecziun dal Museum d'art dal Grischun pon ins cumprar en la butia online:
Luna. Eine Nacht im Museum. Ina notg en il museum. Una notte al museo.
Kirchners Katze – Ein Kinder-, Kunst- und Lesebuch
Giovanni Giacometti – Lehrmittel