Sajan quai events da firmas u d'uniuns u occurrenzas da famiglia – il Museum d'art dal Grischun a Cuira è il lieu ideal per Vossa occurrenza.
Il museum porscha l'ambient artistic e l'infrastructura necessaria per occurrenzas en in pitschen ed en in grond rom. Nus purschain tranter auter visitas guidadas persunalas tras l'exposiziun u observaziuns da maletgs tenor in tema, magari tenor ina da Vossas ideas. Quellas pon er avair lieu ordaifer las uras d'avertura regularas (cunter pajament d'ina taxa speziala). En visitas guidadas privatas fixais Vus ils puncts centrals. Nossas spezialistas e noss spezialists As assistan. Nossa ritga collecziun As porscha en quest connex chaus d'ovras en in spectrum dal classicissem fin al temp preschent. Er pon vegnir cudeschadas visitas guidadas tematicas u mess en il center aspects architectonics, quai tut tenor Voss giavischs.
Nus As dain gugent infurmaziuns e sustegnain Vossa idea fin a sia realisaziun.
PDF Formular d'annunzia per Vossa occurenza privata
Cussegliaziun per Vossa occurrenza: Kathrin Gartmann info@bkm.gr.ch T +41 81 257 28 65
Il museum d'art dal Grischun dispona er d'in bel café en las localitads istoricas dal salon e da la veranda d'enviern da la Villa Planta. Igl è in'occasiun ideala da cumbinar l'art e la culinarica en las localitads istoricas.
Cussegliaziun Museumscafé: Christina Lindquist museumscafe@mumaints.ch www.museumscafe-chur.ch T +41 81 257 28 70
