Wolfgang Laib (*1950, Germania) vala sco in dals artists ils pli impurtants dal temp contemporan. Sia lavur sa distingua tras ina profunda relaziun cun la natira ed in mussament d’attaschadadad envers la simplicitad. Sia vita e sia pratica artistica vegnan però influenzadas dapi ils onns 1970 da filosofias orientalas da l’India. Fin oz sa concentrescha l’artist sin paucas gruppas d’ovras ciclicas.

Dapi ses viadis en l’India sco um giuven ha inspirà el l’idea da vesair l’uman sco part d’ina gronda unitad. Questa moda da viver suonda el er en ses art. L’artist è en quest connex pia sin ils fastizs da l’universal, da l’atemporal ed el lavura cun materialias natiralas sco pollen, ris, latg u tschaira d’avieuls. El chatta questa encletga cumplessiva però er en nossa cultura. En la confruntaziun d’ina pitschna muntogna da pollen da colur intensiva cun ina crismala, furma Wolfgang Laib ina relaziun surprendenta. La preschentaziun sa chatta sin in champ da ris concepì or da millis muntognas da ris. Sco nutriment il pli impurtant simbolisescha il ris la vitalitad ed è essenzial per la vita terrestra. Cun l’installaziun temporara manifestescha l’artist la dimensiun spirituala da l’art ed ans maina directamain a las funtaunas da sia poetica.

Tar l'exposiziun cumpara en l'ediziun Lars Müller Publishers ina publicaziun ritgamain illustrada cun contribuziuns da text e cun vistas da l'installaziun.