Ursula Palla, naschida l'onn 1961 e creschida si a Cuira, viva e lavura oz a Turitg. En sia lavur collia ella video cun sculpturas internas e lavura cun materialias sensiblas sco zutger culà, pulvra da charvun ubain naiv. En il focus da sia lavur stat la fragilitad da la natira e da la fauna. In'estetica fascinanta dat l'access a questa fragilitad sin in emprim nivel. A medem temp sa basan tut las lavurs sin vastas retschertgas. Las enconuschientschas da questas retschertgas reveleschan pir dal tuttafatg la profunditad e l'urgenza da las ovras. Las installaziuns internas e las installaziuns da video dad Ursula Palla èn poeticas ed identifitgeschan a medem temp spazis vids che ans fan in sentiment senza gust che ans fa endament nossa responsabladad envers la natira ed envers l'ambient. Las lavurs da l'artista èn uschia fitg actualas e vegnan gist mussadas en dus museums il 2022: En il Museum d'art dal Grischun vegnan mussadas installaziuns dals ultims 10 onns en 13 locals da l'engrondiment sco er en la Villa Planta. E per il Kunst(Zeug)Haus Rapperswil-Jona realisescha Ursula Palla ina seria da novas lavurs.

Tar las exposiziuns cumpara in catalog cun texts da Stephan Kunz, Isabel Zürcher ed Angelika Affentranger-Kirchrath sco er cun ina agiunta che cuntegna fotografias da las installaziuns en il Kunst(Zeug)Haus Rapperwil-Jona ed ina introducziun da Céline Gaillard e Simone Kobler.