Persunas cun impediments
Il museum d'art dal Grischun a Cuira n'ha naginas barrieras e nagins impediments architectonics per persunas cun impediments. Tut ils locals dal museum èn accessibels en sutga cun rodas e pon vegnir cuntanschids cun ascensurs. Las tualettas èn endrizzadas tenor ils basegns da las persunas cun impediments.
Il museum posseda ina sutga cun rodas che po vegnir emprestada a la recepziun en il foyer dal museum.
Chauns per tschorvs con staffal da guidar èn permess en il museum.
Intginas occurrenzas vegnan translatadas en lingua da segn. Ellas èn adattadas per persunas cun in impediment d'udida. Sche Vus vulais vegnir infurmada u infurmà regularmain davart questas occurrenzas, pudais Vus trametter Vossas datas da contact a kathrin.gartmann@bkm.gr.ch.
Visitadras e visitaders cun in attest da la AI survegnan in'entrada pli bunmartgada (12.– / 8.– / persuna accumpagnanta gratuit).
Visavi da l'entrada principala sa chatta ina plazza da parcar marcada spezialmain per persunas cun impediments (chantun Grabenstrasse / Kauffmannstrasse).
Sche Vossa visita vegn annunziada ordavant, As purschain nus gugent il sustegn che Vus giavischais, per che Vus possias giudair il meglier pussaivel la visita dal museum.
Preannunzia:
kasse@bkm.gr.ch
tel. +41 81 257 28 70
Per gruppas cun basegns spezials porscha l'intermediaziun d'art visitas guidadas spezialas.
Infurmaziuns / reservaziun da visitas guidadas per gruppas:
kunstvermittlung@bkm.gr.ch
tel. +41 81 257 28 72
