Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

2021

L'Odissea da telemachos. da prinzis a naziunalsocialists
27.03.-24.05.2021

Il maletg da Telemachos dad Angelika Kauffmann ha fatg tras ina veritabla odissea, fin ch’el è arrivà a Cuira en la collecziun dal Museum d’art dal Grischun. Il Telemachos da Kauffmann è stà en possess da prinzis e da naziunalsocialists, fin che sia aventura ha prendì ina fin en la patria da l’artista. Questa istorgia nunditga che sumeglia in cas criminal, è ina part da l’exposiziun che tematisescha per l’emprima giada las provegnientschas da tschertas ovras da la collecziun dal Museum d’art dal Grischun e che preschenta quellas a la publicitad.
La perscrutaziun da las provegnientschas è ina lavur da detectiv. L’incumbensa e la finamira da la perscrutaziun da las provegnientschas è quella d’eruir l’istorgia da las ovras e da documentar las relaziuns da proprietad e las midadas da maun en ina successiun uschè cumpletta sco pussaivel. Grazia al s ustegn finanzial da l’Uffizi federal da cultura UFC e da la SWISSLOS/Promoziun da la cultura dal chantun Grischun han ins pudì elavurar durant ils ultims dus onns las provegnientschas d’ina tscherna d’ovras da la collecziun.


Uras d'averturaMa-Du 10.00 – 17.00 Gi 10.00 – 20.00