Angelika Kauffmann

Angelika Kauffmann ch'è naschida a Cuira tutga tar las artistas las pli famusas dal 18avel tschientaner e tar las represchentantas las pli impurtantas dal classicissem. Sco commembra da l'academia roiala appartegneva ella als circuls aristocratics ed intellectuals da Londra ed era fitg dumandada sco dissegnadra da purtrets. Er ses temas per illustraziuns mitologicas ed allegoricas sin basa da l'ideal antic han chattà grond interess.

En ses autopurtret cun il bist da la Minerva sa mussa la pictura cun confidenza sco dama. Vestgida en textilias preziusas inditga sulettamain il rispli e la mappa da dissegn sco attributs caracteristics ses status d'artista. Ultra da questa capodovra sa chattan ulteriuras ovras da Kauffmann en la collecziun dal museum d'art dal Grischun.