Sponsuradi​

Il museum d'art dal Grischun a Cuira è entrà en ina nova èra. Cun l'edifizi nov è l'infrastructura en il stadi il pli actual. L'architectura na dat al museum betg mo en la citad da Cuira, mabain er tranter ils museums da l'entira Svizra ina posiziun nova ed autonoma. Questa nova entschatta è il mument optimal per Voss engaschament.

La definiziun dal program d'exposiziun, l'intermediaziun e la communicaziun van a pèr cun il nov posiziunament vesaivel. Las exposiziuns sa mesiran cun in nivel da qualitad internaziunal e l'intermediaziun lavura vi da novs formats interactivs.
Per quest intent faschain nus er pli sistematicamain colliaziuns tant areguard il cuntegn sco er areguard la societad. Nus avain extendì noss instruments da communicaziun e lur intschess da distribuziun, svegliain attenziun naziunala ed avain creà ina pagina d'internet viva. Nus communitgain e faschain reclama specificamain tenor gruppas en mira e stgaffin la pussaivladad per organisar occurrenzas per la clientella en in dals lieus ils pli innovativs dal Grischun.

Il museum represchenta il futur, la vivacitad ed il barat. Cun Voss engaschament per il museum d'art dal Grischun a Cuira faschais Vus part ils onns 2016/2017 da questa nova entschatta e gidais decisivamain ch'il museum haja in success duraivel.

Contact sponsuradi
Stephan Kunz
Co-Directur Museum d'art dal grischun Cuira
stephan.kunz@bkm.gr.ch