Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

2022

la stanza e la strada
Zoran Music e Norbert Möslang
27-08 -13-11-2022​

Zoran Music (1909–2005) è in pictur sloven-talian da renum internaziunal. El ha studegià a la Academia dals bels arts a Zagreb ed ha vivì da l'onn 1945 fin sia mort a Venezia. El è stà represchentà pliras giadas a la Biennala da Venezia sco er a la Documenta 1955, 1959 e 1977 da Kassel. Sia ovra calma e poetica è vegnida exponida en museums da renum.

Per incumbensa da las soras Charlotte e Nelly Dornacher ha Zoran Music decorà cun maletgs da Venezia ina sala da festa en la chasa privata da las duas soras a Zollikon l'onn 1950. Questa ovra speziala è vegnida distatgada e restaurada cun gronda lavur e cun gronds custs a chaschun da la renovaziun da la chasa. La Fundaziun Charlotte e Nelly Dornacher ch'è domiciliada a Cuira pussibilitescha ussa ina preschentaziun da questa ovra speziala en il Museum d'art dal Grischun e permetta da scuvrir questa ovra en in context contemporan. La reconstrucziun da la stanza vegn installada sco local en il local e cumbinada cun ina installaziun sonora da l'artist da tun songagliais Norbert Möslang, il qual porta ils tuns dal spazi exteriur en il museum e conceda uschia ulteriuras dimensiuns al gieu tranter l'interiur e l'exteriur. Da vesair e d'udir è la cumbinaziun nunusitada «La stanza e la strada. Zoran Music e Norbert Möslang" en il laboratori dal tract nov.

Bild: Zoran Music, The Zurich Room, © 2022, ProLitteris, Zurich
Uras d'averturaMa-Du 10.00 – 17.00 Gi 10.00 – 20.00