Il discurs d’art ha lieu exclusivamain davant ils originals ed è concepì confurm al stgalim da scola respectiv. Partind dal mund d’experientscha individual da las participantas e dals participants vegn tschertgà in dialog. Elements interactivs durant la visita guidada porschan a las scolaras ed als scolars supplementarmain in access experimental e material a las ovras.
PURSCHIDAS PER CLASSAS DA SCOLA TAR LAS EXPOSIZIUNS ACTUALS
2022 Quest onn stat il material en il center da l'intermediaziun d’art. Ch'i saja taila e colur, ponn e fil ubain musica e maletg – nus examinain minuziusamain las ovras artisticas ed ils materials ch'èn vegnids duvrads per talas.
Jean-Frédéric Schnyder. Apocalypso 13-01-2022 fin 01.2023 Cun ina lunghezza da 12 meters è Apocalypso actualmain il maletg il pli grond ch’è exponì en il Museum d’art dal Grischun. Il motiv dal maletg na pudess betg esser pli cuntradictoric: Separads tras ina tenda mussa Jean-Frédéric Schnyder dus munds visuals – els sa preschentansco di e notg. En il discurs d’art sco er en ils lavuratoris empruvain nus da scuvrir la caracteristica materiala dal raquintar istorgias ed ans occupain dal mund visual da l’artist. Venedigsche Sterne. Art e surcusidas 27-08 fin 20-11-2022 Cun fil e guglia han artistas ed artists empruvà durant decennis da scuvrir da nov il potenzial da las surcusidas. Ellas ed els han ponderà da nov la tradiziun artisanala da las surcusidas. L’exposiziun cumpareglia la pratica artistica actuala cun la gronda tradiziun da las surcusidas localas dal Grischun. I vegnan fatgas punts tar autras culturas e l’estetica tradiziunala vegn analisada. Novas vias e novs impuls vegnan tschertgads er en ils discurs d’art ed en ils lavuratoris. Exposiziun annuala da las artistas e dals artists dal Grischun 11-12-2022 fin 29-01-2023 L’exposiziun dat ina survista da la lavur artistica actuala en il Grischun e davart il Grischun. En il discurs d’art exercitain nus la critica d’art: per quest intent vegn sentenziada in’ovra d’art. En in «process davant dretgira» tschernas ti ina partida: accusaziun u defensiun!
Fixar in termin ordavant Lingua: tudestg, rumantsch (sursilvan), talian Durada: 90 minutas Custs: Per las scolinas, per las scolas popularas, per las scolas medias e per las scolas professiunalas dal chantun Grischun gratuit. Per las scolas autas spezialisadas e per classas da scola extrachantunalas 150.00 francs (excl. TPV / incl. entrada).
Annunzia PDF Formular d'annunzia per classas
Indemnisaziun dal temp da viadi PDF Indemnisaziun da viadi per classas
Urden da chasa PDF Urden da chasa per classas
Infurmaziun ed annunzia kunstvermittlung@bkm.gr.ch T +41 81 257 28 72
