En il Museum d'art dal Grischun vegn surdà dapi l'onn 2007 mintga 2 onns il Premi d'art Willy Reber. In premi renconuschì per artistas ed artists svizzers impurtants. Ma tgi è Willy Reber? En regurdientscha dal medi, collecziunist ed artist ha sia dunna Charlotte Reber-Bodmer fundà la Fundaziun Willy Reber che s'engascha adina puspè sin plaun cultural en il chantun Grischun. Il Museum d'art dal Grischun deditgescha a l'artist ussa in'atgna exposiziun e mussa lavurs ch'èn vegnidas stgaffidas tranter ils onns 1960 e 1995 per gronda part en il zuppà e che mussan sia occupaziun artistica cun l'art da ses temp.