La collecziun Ulmberg cumpiglia ovras extraordinarias da l'art dal 20avel tschientaner. Ella cumpiglia ovras d'artistas e d'artists, che han ina stretga colliaziun cun Ernst Ludwig Kirchner e cun il moviment expressiunistic, sco er ovras da la moderna classica dad Emil Nolde, Lyonel Feininger, Max Beckmann u Paul Klee. Cumplettada vegn la collecziun cun ovras impurtantas da l'art concret e da l'art contemporan. Il collecziunader privat metta a disposiziun sias ovras al Museum d'art dal Grischun sco emprest permanent. En in'exposiziun mussa il Museum d'art dal Grischun ina schelta d'ovras da questa collecziun e demonstrescha, quant bain ch'il deposit empermess s'integrescha en la collecziun dal museum, vegn a cumplettar quella e po avrir novas perspectivas.