Il motiv principal da l’exposiziun d’avertura è «L’homme qui marche» d’Alberto Giacometti. L’ovra da l’artist impurtant che deriva dal Grischun è il punct da partenza per s’occupar en moda speziala dal tema «chaminar». Ella fa ina punt dals aspects fisiologics dal moviment sur il spazi sco areal viandabel fin a la midada consecutiva da la percepziun. Il chaminar na vegn betg mo chapì sco in avanzament orientà vers l’exteriur, mabain gist tuttina sco in moviment interiur che lascha la finala sortir l’uman da sasez. SOLO WALKS intermediescha il chaminar sco in’experientscha individuala e dat invistas da munds interiurs da persunas che chaminan adina vinavant.

L’exposiziun vegn curada da Stephan Kunz, Juri Steiner e Stefan Zweifel. Sin in percurs che correspunda a l’architectura dal nov museum vegnan mussadas ovras da 40 artistas ed artists internaziunals. L’exposiziun mussa uschia ina via che maina en differents locals e che po vegnir legida sco grond raquint davart il chaminar. Ovras da l’istorgia d’art e da cultura che accentueschan aspects spezials dal tema, tranter quellas er manuscrits da Jean-Jacques Rousseau e da Robert Walser, accumpognan las ovras dal 20avel tschientaner.

ARTISTAS ED ARTISTS

Curaturs: Stephan Kunz, Juri Steiner, Stefan Zweifel

PUBLICAZIUN
SOLO WALKS. Eine Galerie des Gehens
Verlag Scheidegger & Spiess, Zürich 2016
Hrsg. Bündner Kunstmuseum Chur, Stephan Kunz, Juri Steiner, Stefan Zweifel
264 Seiten, farbig
Mit einer Einleitung der Herausgeber und einer Textcollage von Stefan Zweifel
zahlreiche Abbildungen

SUSTEGNÌ DA
Swisslos, Kulturförderung Kanton Graubünden
Graubündner Kantonalbank
Remo Stoffel
Boner Stiftung für Kunst und Kultur
Jubiläumsstiftung der Schweizerischen Mobiliar Genossenschaft
Kulturförderung, Stadt Chur
Ars Rhenia Stiftung
Minerva Kunststiftung
Stanley Thomas Johnson Stiftung
Paul Schiller Stiftung
Stiftung Stavros S. Niarchos, Chur