L’artist soloturnais Martin Disler (1949–1996) ha malegià il purtret d’ina lunghezza da 140 m e d’ina autezza da 4,40 m en il Württembergischer Kunstverein Stuttgart en in’acziun unica durant mo quatter notgs: mintga notg in purtret d’ina lunghezza da 35 meters! Quest maletg monumental è l’ovra la pli legendara da Martin Disler. Svelt è l’ovra daventada enconuschenta e cun el ses creader. Dapi ils onns 1980 sa chatta il purtret en in deposit e pliras emprovas da l’exponer han fatg naufragi pervia da las pussaivladads dal spazi.
L’onn 2007 ha la fundaziun Gottfried Keller acquistà il maletg e mussà uschia che questa ovra singulara è d’impurtanza naziunala. Per l’exponer dovri relaziuns spezialas areguard il spazi ch’èn avant maun en ina moda bunamain ideala en il museum d’art dal Grischun. Uschia po quest purtret legendar vegnir mussà l’emprima giada en Svizra. Sia preschentaziun en il museum d’art dal Grischun vegn perquai spetgada cun gronda tensiun. Mo en la localitad sezza daventi percurschibel cun tge forza pittoresca che Martin Disler creescha ses panorama d’amur. Qua n’enconuscha el nagins cunfins. Ils corps sa tutgan senza fin, van in en l’auter per sa far valair il medem mument in cunter l’auter cun tutta forza e vehemenza. Sco contempladras e contempladers en la localitad essan nus circumdads da quest maletg e pudain sentir sia inevitabladad radicala.

Il museum d’art dal Grischun na festivescha cun la preschentaziun da quest maletg betg mo ses giubileum, mabain sa participescha er al rudè d’exposiziuns tar las «ovras-staila da la fundaziun Gottfried Keller» en il museum naziunal a Turitg ed en il MASI a Lugano.
Landesmuseum Zürich und im MASI Lugano.