Ultra da las collecziuns da museums datti en Svizra impurtantas collecziuns d'art publicas ch'èn pauc enconuschentas e strusch visiblas per la publicitad. Ina da quellas è la collecziun da la Posta Svizra che sa basa sin in'ordinaziun federala per accentuar e promover l'art svizzer e ch'exista dapi var 100 onns. La Posta prenda questa lunga tradiziun da promoziun sco occasiun per dar ina invista da sia vasta activitad da collecziun, quai en collavuraziun cun intgins museums d'art da la Svizra. En il Museum d'art dal Grischun vegn preschentada ina schelta d'ovras da la collecziun d'art da la Posta e messa en in dialog cun la collecziun dal museum e cun emprests selecziunads. En il focus stattan qua l'engaschament da la Posta per l'art sco er patratgs centrals da la communicaziun en in mund ch'è daventà fragil.

Cun: Joseph Beuys, H.R. Fricker, Andrea Garbald, Gabriela Gerber/Lukas Bardill, Christoph Gossweiler, Susan Hefuna, Jeanne Jacob, Douglas Mandry, Christian Marclay, !Mediengruppe Bitnik, Guido Nussbaum, Ursula Palla, Maria Pomiansky, Ana Roldán, Christian Rothacher, Alex Sadkowsky, Karin Sander, Shirana Shahbazi, Roman Signer, Jules Spinatsch, Albert Steiner, Monica Studer/Christoph van den Berg, Christian Robert Tissot, Videocompany (Aufdi Aufdermauer/Karin Wegmüller), Hannes & Petruschka Vogel, Ester Vonplon, Herbert Weber, Clemens Wild, René Zäch