Sco forum il pli impurtant per l'art contemporan en il Grischun ha lieu il december l'exposiziun annuala d'artistas ed artists grischuns.

L'exposiziun annuala porscha al public la pussaivladad unica da survegnir ina survista davart la lavur artistica actuala en il Grischun. Questa exposiziun terminescha il vast program 2024 dal museum d'art dal Grischun e metta a disposiziun a las artistas ed als artists figurativs ina plattafurma impurtanta per preschentar lur lavurs.

L'exposiziun annuala d'artistas ed artists grischuns ha lieu dals 8 da december 2024 fin ils 26 da schaner 2025 en il nov tract dal museum d'art dal Grischun.