Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

​Perscrutaziun da la provegnientscha al museum d'art dal grischun

L'incumbensa e la finamira da la perscrutaziun da la provegnientscha è quella da perscrutar l'istorgia da las ovras e da documentar las relaziuns da proprietad e la midada da maun en ina successiun uschè cumpletta sco pussaivel. Sco instituziun publica chantunala n'è il museum d'art dal Grischun betg mo responsabel, mabain moralmain obligà, d'enconuscher las provegnientschas da las ovras d'art da l'atgna collecziun. Il museum d'art dal Grischun sa stenta da crear transparenza e da chattar novas enconuschientschas scientificas cun dilucidar las provegnientschas.

L'uffizi federal da cultura sustegna durant ils onns 2019–2020 per la segunda giada la perscrutaziun da la provegnientscha en museums svizzers. Dal schaner 2019 fin la fin da settember 2020 pussibilitescha il project promovì dal UFC per l'emprima giada d'elavurar sistematicamain las provegnientschas da circa 73 ovras ch'èn vegnidas recepidas a partir da l'onn 1933 en la collecziun dal museum d'art dal Grischun. En connex cun differents deposits vegni sclerì, sch'igl exista in eventual basegn da perscrutar pli detagliadamain la provegnientscha. Ils resultats vegnan publitgads en il Catalog online da las collecziuns suenter che las perscrutaziuns èn terminadas.

RAPPORT FINAL


Grazia a l'ulteriur sustegn da l'Uffizi federal da cultura (UFC) vegn il Museum d'art dal Grischun a cuntinuar cun la perscrutaziun da las provegnientschas durant ils onns 2021 e 2022. Quai pertutga 148 ovras supplementaras ch'èn arrivadas en sia collecziun (cumpra, donaziun u deposit) durant il temp da 1933–1945 ed en la collecziun Werner Coninx. La finamira da quest project da perscrutaziun è quella da sclerir en moda uschè cumpletta sco pussaivel las provegnientschas da questas ovras ch'èn vegnidas tschernidas cun quità sin basa da lur impurtanza istorica e da lur impurtanza per il Museum d'art dal Grischun, per il chantun Grischun e per la Svizra. Suenter che las retschertgas èn terminadas vegnan ils resultats publitgads online sur il Catalog da las collecziuns.

Mandat per la perscrutaziun da la provegnientscha al museum d'art dal Grischun:
Dr. Carolin Lange e Dr. Thomas Schmutz, Lange & Schmutz Provenienzrecherchen GmbH 

Cun gentil sustegn da «SWISSLOS/Promoziun da la cultura, Chantun Grischun».

 

Infurmaziuns: dr. Nicole Seeberger

Uras d'averturaMa-Du 10.00 – 17.00 Gi 10.00 – 20.00