Il museum d'art dal Grischun a Cuira è vegnì reavert la stad. Suenter ina pausa da 2 onns po il museum ussa puspè preschentar l'exposiziun annuala tradiziunala da las artistas e dals artists grischuns.
L'onn 2016 festivescha visarte.graubünden ses giubileum dad 80 onns. Visarte s'engascha cun gronda premura per las artistas ed ils artists figurativs (l'art figurativ e ses auturs) en il chantun Grischun. Per il museum d'art dal Grischun a Cuira èn quai gist plirs motivs per profitar da l'occasiun da rasar or il tarpun cotschen per las artistas ed ils artists locals sco er per visarte: L'exposiziun annuala ha lieu sin l'entira surfatscha da l'edifizi nov dal museum che cumpiglia 1000 m². Da 114 dossiers ch'èn vegnids inoltrads en connex cun il giubileum da visarte davart il tema archiv, ha la giuria tschernì 54 artistas ed artists. L'exposiziun mussa pia ina vasta survista da la producziun artistica contemporana dal Grischun. Ultra da quai sa preschentan las commembras ed ils commembers da visarte en ina pitschna installaziun cun ovras – las uschenumnadas truclas – ch'ellas ed els han creà aposta per questa occurrenza.
In motiv per festivar e per organisar durant l'exposiziun numerusas occurrenzas spezialas cun artistas ed artists grischuns.
ARTISTAS ED ARTISTS
Remo A. Alig, Gabriela Gerber + Lukas Bardill, Guido Baselgia, Mirko Baselgia, Nora Bertogg / Flurina Casty, Gregori Bezzola, Flurin Bischoff, Marc Bundi, Notta Caflisch, Evelina Cajacob, Livio Casanova, Gianin Conrad, Luis Coray/Hermano Santos da Boa Morte / Remo Arpagaus, Damiano Curschellas, Hans Danuser, Christoph Draeger / Heidrun Holzfeind, Seraina Feuerstein, frölicher I bietenhader, Arno Hassler, Chris Hunter, Patricia Jegher, Lilly Keller, Etna Krakenberger, Pascal Lampert, Zilla Leutenegger, Catrin Lüthi K, Gaspare O. Melcher, Ursula Palla, Florio Puenter, Christian Ratti, Daniel Rohner, Christoph Rütimann, Thomas Sauter / Thomas Julier, Claudia Schmid, Gaudenz Signorell, Beatrix Sitter-Liver, Venice Spescha, Sandro Steudler, Miguela Tamo, Regula Verdet-Fierz, Hannes Vogel, Katharina Vonow, Bettina Wachter, Wiedemann/Mettler + Ursina Giger, Lydia Wilhelm, Dominik Zehnder
