La fundaziun Werner Coninx ha surdà l'onn 2018 al museum d'art dal Grischun sco emprest permanent ina gronda part da sia collecziun grafica impurtanta cun bunamain 1000 ovras da Cuno Amiet, Giovanni Giacometti, Ernst Ludwig Kirchner, Erich Heckel, Max Beckmann, Hermann Scherer, Johann Robert Schürch ed auters. Per il museum d'art dal Grischun è quai fin ussa ina da las extensiuns las pli impurtantas e las pli voluminusas en l'istorgia da la collecziun. Las varts stgiras da l'expressiunissem èn in accent spezial da la collecziun Coninx e stattan en il center da questa tscherna.