Il Museum d'art dal Grischun a Cuira porscha a las persunas d'instrucziun ina introducziun cumplessiva en l'exposiziun actuala ed en ovras elegidas.

INTRODUCZIUN EN LAS EXPOSIZIUNS TEMPORARAS

Jules Spinatsch. 1964 – 2155
Mesemna, ils 26 d'avust 2026
da las 16 fin las 17, per il stgalim secundar II, cun il referent ospitant Damian Jurt, curatur da l'exposiziun
da las 17 fin las 18.30, per la scolina fin il stgalim secundar I

Thomas Hirschhorn. My Atlas
Mesemna, ils 16 da settember 2026
da las 16 fin las 17, per il stgalim secundar II, cun il referent ospitant Stephan Kunz, curatur da l'exposiziun

Exposiziun annuala
Mesemna, ils 9 da december 2026
da las 16 fin las 17, per tut ils stgalims da scola, cun il referent ospitant Damian Jurt, curatur da l'exposiziun

FURMAZIUN SUPPLEMENTARA

Chascha d'ideas: Preschentaziun ed applicaziun
50 inscunters d'art – per duvrar en scola ed en il Museum d'art.
Mesemna, ils 28 d'october 2026
da las 16 fin las 17, per tut ils stgalims da scola

La purschida è gratuita. I vegn giavischà da s'annunziar.

 

Ulteriurs infurmaziun

Il discurs d’art ha lieu exclusivamain davant ils originals ed è concepì confurm al stgalim da scola respectiv. Partind dal mund d’experientscha individual da las participantas e dals participants vegn tschertgà in dialog. Elements interactivs durant la visita guidada porschan a las scolaras ed als scolars supplementarmain in access experimental e material a las ovras.

PURSCHIDAS PER CLASSAS DA SCOLA TAR LAS EXPOSIZIUNS ACTUALS

Jules Spinatsch. 1964  –  2155
22-08 fin 15-11-2026
Jules Spinatsch fotografescha cun la camera tge che capita en la societad. Mintgatant surlascha el il process fotografic a la casualitad u ch‘el suonda in proceder cler e documentar. Uschia resultan serias da maletgs, videos ed installaziuns fotograficas che intimeschan da metter en dumonda nossa percepziun.
En las intermediaziuns tematisain nus questas strategias fotograficas e sviluppain atgnas serias da maletgs.

 
Thomas Hirschhorn. My Atlas
22-08 fin 06-12-2026
In atlas è ina collecziun da maletgs e chartas, ma er ina metoda per render visibla la savida tras urden e cumparegliaziun. Quest princip da l'atlas tracta Thomas Hirschhorn. Cun agid da collaschas sin grondas plattas da chartun reflectescha el sias ovras e mussa musters e connexs entaifer sia lavur artistica che sa sviluppa dapi 40 onns.
En lavuratoris elavurain nus ensemen cun las scolaras ed ils scolars la dumonda, co ch‘i vegn creada in‘ovra cartografica politica, sociala u artistica.
Questa exposiziun intermediain nus exclusivamain per il stgalim secundar II.

Exposiziun annuala
L'exposiziun dat ina survista cumplessiva da la lavur artistica actuala en il Grischun e davart il Grischun. Per visitar l'exposiziun en atgna reschia cun la classa da scola, dain nus ad emprest la chascha davart il gieu da rollas «plat d'art».

Ulteriurs infurmaziun

En l'exposiziun temporara u en la preschentaziun permanenta da la collecziun s'occupan las scolaras ed ils scolars sco emprim da las ovras originalas. La segunda part da l'occurrenza ha lieu en l'atelier, nua che las scolaras ed ils scolars approfundeschan lur experientschas en moda creativa. Il lavuratori vegn adattà al stgalim da scola respectiv.

PURSCHIDAS PER CLASSAS DA SCOLA TAR LAS EXPOSIZIUNS ACTUALS 

Jules Spinatsch. 1964 – 2155
22-08 fin 15-11-2026
Jules Spinatsch fotografescha cun la camera tge che capita en la societad. Mintgatant surlascha el il process fotografic a la casualitad u ch‘el suonda in proceder cler e documentar. Uschia resultan serias da maletgs, videos ed installaziuns fotograficas che intimeschan da metter en dumonda nossa percepziun.
En las intermediaziuns tematisain nus questas strategias fotograficas e sviluppain atgnas serias da maletgs.
 

Thomas Hirschhorn. My Atlas 
22-08 fin 06-12-2026
In atlas è ina collecziun da maletgs e chartas, ma er ina metoda per render visibla la savida tras urden e cumparegliaziun. Quest princip da l'atlas tracta Thomas Hirschhorn. Cun agid da collaschas sin grondas plattas da chartun reflectescha el sias ovras e mussa musters e connexs entaifer sia lavur artistica che sa sviluppa dapi 40 onns.
En lavuratoris elavurain nus ensemen cun las scolaras ed ils scolars la dumonda, co ch‘i vegn creada in‘ovra cartografica politica, sociala u artistica.
Questa exposiziun intermediain nus exclusivamain per il stgalim secundar II.

Ulteriurs infurmaziun

Persunas d'instrucziun dastgan gugent manar sezzas lur classa da scola tras il museum. Per preparar la visita dal museum mettain nus a disposiziun gratuitamain materialias ch'èn confurmas al stgalim. Per las exposiziuns temporaras actualas purschain nus medemamain ina introducziun cumplessiva per persunas d'instrucziun.

Las classas senza manadra u manader ston vegnir annunziadas a l'Intermediaziun d'art.

Nus purschain da nov mintga semester la pussaivladad per la lavur da project en ina da las exposiziuns en il labor. Questa purschida speziala organisain nus ensemen cun l'artista u l'artist da l'exposiziun u cun in'experta ubain in expert da la scena d'art u da cultura.
La purschida è gratuita. I vegn giavischà da s'annunziar.

Ulteriurs infurmaziun

L'Intermediaziun d'art dal Museum d'art dal Grischun metta a disposiziun differentas materialias per tut ils stgalims da scola. Cun agid da questas materialias emprendan las scolaras ed ils scolars d'enconuscher artistas ed artists enconuschents dal Grischun. Ellas dattan ina survista davart la vita e davart l'ovra d'ina artista u d'in artist ubain davart in tema specific. Las materialias èn adattadas per preparar e per evaluar ina visita dal museum sco er per visitar il museum en atgna reschia cun la classa da scola.
Sin dumonda pon las materialias vegnir emprestadas tar l'Intermediaziun d'art.

•  Ideenbox (PDF)
• il tac (PDF)
• Luna. Eine Nacht im Museum. Ina notg en il museum. Una notte al museo. (PDF)
• Kunstgericht – Kunst auf der Anklagebank (PDF)
• E. L. Kirchner – Kirchners Katze (PDF)
• Matias Spescha (PDF)
• Sculpturas (PDF)

ULTERIURAS MATERIALIAS
Per visitar individualmain l'exposiziun vegni recumandà da consultar il plan d'exploraziun CUC u il plan da la citad per uffants. Ulteriuras infurmaziuns en chaussa ed ils documents per chargiar giu chattais Vus qua.

ONLINESHOP
Cudeschs illustrads e meds d'instrucziun davart la collecziun dal Museum d'art dal Grischun pon ins cumprar en la butia online:

Luna. Eine Nacht im Museum. Ina notg en il museum. Una notte al museo.
Kirchners Katze – Ein Kinder-, Kunst- und Lesebuch
Giovanni Giacometti – Lehrmittel